《寄望远离伤患 再次振翅高飞

-请支持蓝狮 Facebook专页-《原创文章 欢迎转载 请列明出处 谢谢》《寄望远离伤患 再次振翅高飞 按此观看图片 .图片来源 : Sky Sport重拾射门触角,再次张开双手割草式庆祝,舒尔尼相隔三年后再一次喺英超赛场上取得入球,相信唔少车路士或者德国球迷都会为佢而感到高兴。当日被摩连奴弃用,背上失败之名离开史丹福桥,被迫离开英超,辗转地依加再一次返到黎,莫非想好似沙拿咁再一次返黎英超喺球迷同摩连奴面前重新証明自己?舒尔尼成名于利华古逊,司职左右翼锋,同时亦能喺攻击线最前点担任影子前锋,可以话係一个前线多面手,德国人踢法以机动、效率见称,即使无球在脚下仍会透过不断跑动走位,去牵引对手为队友製造更多空间,而舒尔尼喺现位方面亦显得相当聪明,一上场就好似总能够喺适当既时间喺适当既地方出现,令到队内一啲负责派牌发板球员能够轻易交出助攻,而球队既进攻模式更加立体有效。可惜既係几好几有天份既进攻球员,只要唔乎合摩连奴既防守标準都会被放弃,舒尔尼喺英超渡过左一季半既时光后选择重回德甲加盟禾夫斯堡,自加盟后其实都交出相当之好既表现,不单止好快融入到新既战术体系,更加睇到喺各项能力都有所提升,一共为禾堡喺单季各项赛事上阵超过四十场,更射入十二球交出七个助攻。而亮眼既数据亦吸引到一众潜力买家,最终多蒙特亦成功将佢收归旗下。但可惜既係,加盟「蜜蜂兵团」并没有将佢既事业更上一层楼,接踵而来既伤患更影响到舒尔尼既发挥,上阵次数由一季四十场大大减至二十多场,当中后备上阵佔左相当大部份,无论速度定係埋门触角都大不如前,感觉上未踏入三十之年都经已有未老先衰迹象发生,更令佢无被选入岩岩世界盃德国队既大军名单当中,职业生涯可以话再一次跌入谷底。既然都已经到左无野输唔起既地步,更要珍惜每一个都可能係「最后」既机会,富咸向舒尔尼提出邀请,为期两季既合约再一次将德国人带到黎英超,而喺岩岩对阵般尼哩场波都睇得出舒尔尼十分上力,除左一个补射入球之外亦有一次大位左脚射门中眉,可以话带到比佢一个完美既开局,健康既舒尔尼对每队球队黎讲都绝对係一个不可多得既好球员。只寄望佢能够远离伤患,就有机会再次振翅高飞。舒尔尼在车路士生涯之败走 : 《在对的地方遇上错的人 - 舒尔尼》文章最后更新时间 : 28/8/2018 17:45《原创文章 欢迎转载 请列明出处 谢谢》蓝狮 每週出文 用心写每篇文章 给我们一个Like作支持